നീലേശ്വരം: രക്ഷാപ്രവർത്തനത്തിനിടെ ഒഴുക്കിൽ പെട്ട് കാണാതായ തിരുവനന്തപുര സ്വദേശി റാപ്പലിംഗ്ഇൻസ്ട്രക്ടർ രാജേഷിന്റെ മൃതദേഹം കണ്ടെത്തി. ചെറുപുഴ പഞ്ചായത്തിലെ മീന്തുള്ളി തുരുത്തിൽ ശനിയാഴ്ച വൈകുന്നേരമാണ് രാജേഷ് അപകടത്തിൽപ്പെട്ടത്. ഫയർഫോഴ്സ്, സ്കൂബാ ടീം, പ്രാദേശിക മുങ്ങൽ വിദഗ്ധർ എന്നിവർ ചേർന്ന് നടത്തിയ മണിക്കൂറുകൾ നീണ്ട തിരച്ചിലിനൊടുവിലാണ് മൃതദേഹം കണ്ടെത്തിയത്.
കനത്ത മഴയെ തുടർന്ന് പുഴയിൽ ശക്തമായ ഒഴുക്ക് അനുഭവപ്പെട്ട സമയത്താണ് അപകടത്തിൽപ്പെട്ടവരെ രക്ഷിക്കാൻ രാജേഷ് പുഴയിലിറങ്ങിയത്. ഇതിനിടയിൽ ശക്തമായ ഒഴുക്കിൽപെട്ട് കാണാതാവുകയായിരുന്നു. തുടർന്ന് എൻ.ഡി.ആർ.എഫ്, പൊലീസ്, ഫയർഫോഴ്സ്, നാട്ടുകാർ എന്നിവരുടെ നേതൃത്വത്തിൽ വ്യാപകമായ തിരച്ചിൽ നടത്തി.
ജീവകാരുണ്യ പ്രവർത്തനങ്ങളിലൂടെ നാട്ടിൽ ശ്രദ്ധേയനായ രാജേഷിന്റെ അപ്രതീക്ഷിത വേർപാട് പ്രദേശത്ത് വലിയ ദുഃഖം സൃഷ്ടിച്ചു. ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.
Leave a Reply