കൊന്നക്കാട് (കാസര്ഗോഡ്): സംവിധാനം ചെയ്ത രണ്ടാമത്തെ സിനിമയും തിരുവനന്തപുരത്ത് നടക്കുന്ന അന്താരാഷ്ട്ര ചലച്ചിത്രമേളയിലേക്ക് (ഐഎഫ്എഫ്കെ) സെലക്ഷന് നേടി മലയോരത്തിന് അഭിമാനമായി യുവസംവിധായിക ആദിത്യ ബേബി. അംബ്രോസിയ എന്ന സിനിമയാണ് സെലത്ഷന് നേടിയത്. മലയാള സിനിമ ഇന്ന് എന്ന വിഭാഗത്തിലാണ് ചിത്രം പ്രദര്ശിപ്പിക്കുക.
ഗ്രീക്ക് പുരാണത്തില് അമരത്വം നില്കുന്ന ഭക്ഷണം അഥവാ അമൃത് എന്നതാണ് ഈ വാക്കിന്റെ അര്ഥം. സങ്കല്പിക നഗരത്തിലെ ഒരു ഫൈന് ഡൈനിംഗ് റസ്റ്റോറന്റിലാണ് അബ്സര്ഡ്, ഫാന്റസി, സറ്റയര് എന്നീ ജോണറുകളില് ഒരുക്കിയിരിക്കുന്ന സിനിമയുടെ കഥ നടക്കുന്നത്. കാമദേവന് നക്ഷത്രം കണ്ടു എന്ന ആദിത്യയുടെ ആദ്യസിനിമയും ഐഎഫ്എഫ്കെയിലേക്ക് സെലക്ഷന് നേടിയിരുന്നു.
പൂര്ണമായും മൊബൈല് ഫോണ് കാമറയിലായിരുന്നു ആദ്യ സിനിമ ചിത്രീകരിച്ചതെങ്കില് രണ്ടാമത്തെ സിനിമ കുറച്ചുകൂടി വലിയ കാന്വാസിലാണ് ഒരുക്കിയിരിക്കുന്നത്. സോണി എഫ്എക്സ് 3 കാമറയിലാണ് ഷൂട്ട് ചെയ്തത്. ബ്രിട്ടീഷ് കമ്പനിയായ കൂക്ക് ഒപ്റ്റിക്സിന്റെ ലെന്സാണ് ഉപയോഗിച്ചിരിക്കുന്നത്. നടന് വിഷ്ണു ഗോവിന്ദന്, ഒ. ബേബി സിനിമയുടെ കാമറമാന് അരുണ് ചാലില്, ആദിത്യയുടെ പിതാവ് എ.ടി. ബേബി എന്നിവര് ഉള്പ്പെടെ ആറുപേര് നിര്മാതാക്കളാണ്. വിഷ്ണു ഗോവിന്ദന്, കണ്ണന് നായര് എന്നിവര്ക്കൊപ്പം ആദിത്യയും ചിത്രത്തില് ഒരു പ്രധാന വേഷത്തിലെത്തുന്നുണ്ട്.
2023ല് ആദിത്യ അഭിനയിച്ച നീലമുടി എന്ന സിനിമയും ഐഎഫ്എഫ്കെയിലേക്ക് തെരഞ്ഞെടുക്കപ്പെട്ടിരുന്നു. വ്യാപാരി വ്യവസായി ഏകോപന സമിതി കൊന്നക്കാട് യൂണിറ്റ് പ്രസിഡന്റ് അമ്പഴത്തിനാല് ബേബിയുടെയും ടിഎസ്എസ്എസ് പ്രോഗ്രാം ഓഫീസര് ബീനയുടെയും മകളാണ്.
വള്ളിക്കടവ് സെന്റ് സാവിയോ സ്കൂളിലെയും വെള്ളരിക്കുണ്ട് സെന്റ് ജൂഡ്സ് സ്കൂളിലെയും പഠനത്തിനു ശേഷം തൃശൂര് സ്കൂള് ഓഫ് ഡ്രാമയില് നിന്നാണ് ആദിത്യ ബിരുദപഠനം പൂര്ത്തിയാക്കിയത്. ദീപിക ബാലസഖ്യത്തിന്റെ വേദികളില് നിറസാന്നിധ്യമായിരുന്നു. സഹോദരന് ആദര്ശ് പിജി വിദ്യാര്ഥിയാണ്.
Leave a Reply