കാസർഗോഡ്:
ചൂടുമായി ബന്ധപ്പെട്ട വ്യാജ പ്രചാരണങ്ങള് ശ്രദ്ധയില്പെട്ടിട്ടുണ്ട്. ഔദ്യോഗിക മുന്നറിയിപ്പ് എന്നുള്ള തരത്തിലാണ് പ്രചാരണങ്ങള് നടക്കുന്നത്. ഇത്തരം വ്യാജ പ്രചാരണങ്ങളും ദുരന്ത നിവാരണ നിയമം 2005, സെക്ഷന് 54 അനുസരിച്ച് ശിക്ഷാര്ഹമാണന്ന് ബന്ധപ്പെട്ടഅധികാരികൾ അറിയിച്ചു.
ഏപ്രില് 29 മുതല് മെയ് 12 വരെ താപനില 45 ഡിഗ്രി മുതല് 55 ഡിഗ്രി വരെ ഉയരും എന്നും തുറസായ സ്ഥലങ്ങളില് നില്ക്കരുതെന്നും ചൂട് മൂലം മൊബൈല് ഫോണുകള് പൊട്ടിത്തെറിക്കാം. കാറുകളില് ഇന്ധന ടാങ്കുകള് മുഴുവനായി നിറയ്ക്കരുത് തുടങ്ങിയ നിര്ദേശങ്ങള് അടങ്ങിയ വാട്സാപ്പ്പ്രചാരണമാണ് പ്രചരിക്കുന്നത്. സിവില് ഡിഫന്സ് വകുപ്പ് എന്ന പേരിലാണ് സന്ദേശം പ്രചരിക്കുന്നത്. കേരളത്തില് സിവില് ഡിഫന്സ് എന്ന വകുപ്പ് ഇല്ല. കേരളത്തിലെ സിവില് ഡിഫന്സ് അഗ്നിരക്ഷാസേനയുടെ കീഴില് പ്രവര്ത്തിക്കുന്ന സന്നദ്ധ സേനയാണ്. ഔദ്യോഗിക അറിയിപ്പുകള്ക്കും മുന്നറിയിപ്പുകള്ക്കും സംസ്ഥാന ദുരന്തനിവാരണ അതോറിറ്റിയുടെ ഔദ്യോഗിക പേജുകള്, വെബ്സൈറ്റ് എന്നിവ സന്ദര്ശിക്കുക. കേരളത്തില് താപനില 54 ഡിഗ്രി ആകുമെന്ന് പ്രവചനം കേന്ദ്ര കാലാവസ്ഥ വകുപ്പും പുറത്തിറക്കിയിട്ടില്ല.
Leave a Reply