കാസര്‍കോട്: ആദൂര്‍ പൊലീസ് സ്റ്റേഷന്‍ പരിധിയിലെ അഡൂര്‍, പാണ്ടിയില്‍ ഇടിമിന്നലേറ്റ് യുവാവ് മരിച്ചു. കുണ്ടാര്‍, ഉയിത്തടുക്ക മായിലാംകോട്ട ഹൗസിലെ അറബിയുടെ മകന്‍ നൗഫല്‍ (30) ആണ് മരിച്ചത്. ഇന്ന് (ചൊവ്വ) രാത്രി ഏഴര മണിയോടെ പാണ്ടി, ബളവന്തടുക്കയിലാണ് അപകടം. ബന്ധുവീട്ടില്‍ എത്തിയതായിരുന്നു നൗഫല്‍. ഉടന്‍ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. തിരുവനന്തപുരത്തെ ഒരു ജ്യൂസ് കടയില്‍ ജീവനക്കാരനായിരുന്നു. ഭാര്യ: സുഹ്‌റ . രണ്ടു മക്കളുണ്ട്.
കാസര്‍കോട്: ആദൂര്‍ പൊലീസ് സ്റ്റേഷന്‍ പരിധിയില്‍ ശക്തമായ ഇടിമിന്നലേറ്റ് യുവാവ് ദാരുണമായി മരിച്ചു. കുണ്ടാര്‍ ഉയിത്തടുക്ക മായിലാംകോട്ട ഹൗസിലെ അറബിയുടെ മകന്‍ നൗഫല്‍ (30) ആണ് മരിച്ചത്. ചൊവ്വാഴ്ച രാത്രി ഏഴരയോടെ പാണ്ടി ബളവന്തടുക്കയിലാണ് സംഭവം.
പാണ്ടിയിലെ ബന്ധുവീട്ടില്‍ എത്തിയതായിരുന്നു നൗഫല്‍. കനത്ത മഴയ്‌ക്കൊപ്പം ഉണ്ടായ ശക്തമായ ഇടിമിന്നലില്‍ ഇദ്ദേഹത്തിന് ഗുരുതരമായി പരിക്കേല്‍ക്കുകയായിരുന്നു. ഉടന്‍തന്നെ സമീപത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.തിരുവനന്തപുരത്തെ ഒരു ജ്യൂസ് കടയിലെ ജീവനക്കാരനായിരുന്നു നൗഫല്‍. ഭാര്യ: സുഹ്‌റ. രണ്ട് മക്കളുണ്ട്. സംഭവത്തില്‍ ആദൂര്‍ പൊലീസ് വിവരങ്ങള്‍ ശേഖരിച്ചു വരികയാണ്. മൃതദേഹം തുടര്‍നടപടികള്‍ക്കായി ആശുപത്രി മോര്‍ച്ചറിയിലേക്ക് മാറ്റി.
Leave a Reply