തിരുവനന്തപുരം: സംസ്ഥാനത്തെ സർക്കാർ ആശുപത്രികളില്‍ മരുന്ന് ക്ഷാമം രൂക്ഷമായി തുടരുന്നു.സർക്കാർ ആശുപത്രിയില്‍ അറുപതോളം മരുന്നുകള്‍ കിട്ടാനില്ലാത്ത അവസ്ഥയാണ്.പനിക്ക് ഡോക്ടർമാർ നിർദേശിക്കുന്ന പാരസെറ്റാമോള്‍ പോലും കിട്ടാത്ത അവസ്ഥയാണ് പല സർക്കാർ ആശുപത്രികളിലും ഉള്ളത്.സാധാരണകാരായ രോഗികളാണ് കൂടുതലായി സർക്കാർ ആശുപത്രികളെ സമീപിക്കുന്നത്. ഇവർക്ക് ചികിത്സയ്ക്ക് ശേഷം മരുന്നുകള്‍ കൊടുക്കാൻ കഴിയുന്നില്ലെന്നാണ് ആക്ഷേപം.ഇത് കൂടാതെ ആൻ്റിബയോട്ടിക്കുകളും ഹൃദ്രോഗ-പ്രമേഹ മരുന്നുകള്‍ക്കും ക്ഷാമമുണ്ട്. കീമോതെറാപ്പി മരുന്നുകള്‍,പേവിഷ വാക്സിൻ, അപസ്മാരം, രക്തസമർദം എന്നിവയ്ക്കുള്ള മരുന്നുകളും ലഭിക്കുന്നില്ലെന്നാണ് പരാതി.ഇവയ്ക്കെല്ലാം വൻ വില കൊടുത്ത് വാങ്ങേണ്ടി വരുകയാണ്.കാൻസർ ചികിത്സയ്ക്കുള്ള മരുന്നിൻ്റെ ക്ഷാമം സാധാരണക്കാരെയാണ് ഏറെ ബാധിച്ചിരിക്കുന്നത്. കീമോയ്ക്കുള്ള മരുന്നുകള്‍ പുറത്ത് നിന്ന് വാങ്ങുമ്പോള്‍ വലിയ വില വ്യത്യാസമാണ് അനുഭവപ്പെടുന്നതെന്ന് രോഗികള്‍ ആരോപിക്കുന്നു. ഹൃദ്രോഗം, പ്രമേഹം, എലിപ്പനി, കൊളസ്ട്രോള്‍ എന്നിവയ്ക്കും മരുന്ന് സ്റ്റോക്കില്ലാത്ത സ്ഥിതിയിലൂടെയാണ് സർക്കാർ ആശുപത്രികള്‍ കടന്നുപോകുന്നത്.
സര്‍ക്കാര്‍ ആശുപത്രികളില്‍ മരുന്ന് ക്ഷാമം രൂക്ഷം
Leave a Reply