കാസർകോട്: കാസർകോട് ജില്ലാ കലക്ടറായി ശ്രീധന്യ സുരേഷിനെ നിയമിച്ച് സർക്കാർ ഉത്തരവിറക്കി. നിലവിലെ ജില്ലാ കലക്ടർ കെ. അർജുൻ പാണ്ഡ്യനെ കൃഷിവകുപ്പ് ഡയറക്ടറായും മാറ്റി നിയമിച്ചു. സഹകരണ വകുപ്പ് രജിസ്ട്രാറായാണ് ശ്രീധന്യ സുരേഷ് നിലവിൽ പ്രവർത്തിച്ചിരുന്നത്.
അനവധി സാമൂഹികവും സാമ്പത്തികവുമായ പ്രതിസന്ധികളെ അതിജീവിച്ച് രാജ്യത്തെ ഉന്നത ഭരണസേവനത്തിലേക്ക് ഉയർന്ന വ്യക്തിയാണ് ശ്രീധന്യ സുരേഷ്. വയനാട്ടിലെ ആദിവാസി ഗോത്രസമൂഹമായ കുറിച്യ വിഭാഗത്തിൽനിന്ന് സിവിൽ സർവീസ് നേടുന്ന ആദ്യ വ്യക്തിയെന്ന നേട്ടവും ശ്രീധന്യയ്ക്കുണ്ട്.
സാധാരണ മലയാളം മീഡിയം സ്കൂളിൽ പഠിച്ച്, പരിമിതമായ സാഹചര്യങ്ങളിൽനിന്നാണ് ശ്രീധന്യ ഐഎഎസ് എന്ന സ്വപ്നം കണ്ടതും അത് യാഥാർഥ്യമാക്കിയതും. പ്രതികൂല സാഹചര്യങ്ങളെ അതിജീവിച്ച് സിവിൽ സർവീസിലെത്തിയ ശ്രീധന്യയുടെ ജീവിതയാത്ര ഏറെ ശ്രദ്ധേയമാണ്.
Leave a Reply