തിരുവനന്തപുരം: ഒരു സംഘം വിദ്യാര്ത്ഥികള് ദേഹോപദ്രവം ഏല്പ്പിച്ചുവെന്നും കയ്യേറ്റം ചെയ്തുവെന്നുമുള്ള പരാതിയില് കാലടി സംസ്കൃത സര്വ്വകലാശാല വൈസ് ചാന്സലര് സിസാ തോമസിന് പൂര്ണ്ണ പിന്തുണയുമായി ഗവര്ണര്. സിസാ തോമസിനെ നേരില് കണ്ട് കാര്യങ്ങള് ചോദിച്ചറിഞ്ഞു. അറ്റ് ഹോം പരിപാടിയില് വെച്ചായിരുന്നു ഇരുവരും തമ്മിലുള്ള കൂടിക്കാഴ്ച. സിസാ തോമസുമായുള്ള കൂടിക്കാഴ്ചയ്ക്കായി ഗവര്ണര് ആവശ്യപ്പെടുകയായിരുന്നു.
ദേഹോപദ്രവം അടക്കം നേരിടേണ്ടിവന്നുവെന്ന് സിസാ തോമസ് ഗവര്ണറെ അറിയിച്ചതായാണ് വിവരം. തുടര്ന്ന് രേഖാമൂലം റിപ്പോര്ട്ട് തയ്യാറാക്കി നല്കാനായിരുന്നു ഗവര്ണറുടെ മറുപടി. റിപ്പോര്ട്ടിന്മേല് കര്ശന നടപടി ഉണ്ടാകുമെന്നും ചാന്സലര് ഉറപ്പുനല്കി. ഈ കൂടിക്കാഴ്ചയ്ക്ക് പിന്നാലെയാണ് മുഖ്യമന്ത്രിക്കും ഡിജിപിക്കും ആഭ്യന്തരമന്ത്രിക്കും സിസാ തോമസ് പരാതി നല്കിയത്.
Leave a Reply