കാസർകോട്:ആഗസ്ത് 15 സ്വാതന്ത്ര്യ ദിനത്തില് കാസര്ക്കോട് മുനിസിപ്പല് സ്റ്റേഡിയത്തില് നടക്കുന്ന പരേഡില് ജില്ലയുടെ ചുമതലയുള്ള തദ്ദേശ സ്വയംഭരണ വകുപ്പ് മന്ത്രി കെ.എം ഷാജി പതാക ഉയര്ത്തി അഭിവാദ്യം സ്വീകരിക്കും.ജില്ലയില് സ്വാതന്ത്ര്യ ദിനാഘോഷത്തിന്റെ മുന്നൊരുക്കങ്ങള് പൂര്ത്തിയായി. സ്വാതന്ത്ര്യദിന പരേഡില് സായുധ സേനകള്,പോലീസ്, എക്സൈസ്, വൊക്കേഷണല് ഹയര്സെക്കന്ററി, സ്റ്റുഡന്റ്സ് പോലീസ് കേഡറ്റുകള്, എന്.സി.സി, സ്കൂള് ബാന്ഡ് സെറ്റുകള് എന്നിവ ഉള്പ്പെടെ 15 പ്ലാറ്റൂണുകള് അണിനിരക്കും. ജില്ലാ ആംഡ് റിസര്വ് പോലീസ്, ലോക്കല് പോലീസ്, വനിതാ പോലീസ്, എക്സൈസ്, ഇരിയണ്ണി ജി.വി.എച്ച്.എസ്.എസ്,നായന്മാര്മൂല ടി.ഐ.എച്ച്.എസ്.എസ്,ചട്ടഞ്ചാല് ഹയര്സെക്കണ്ടറി സ്കൂള്,ഉദിനൂര് ജി.എച്ച്.എസ്.എസ് എന്നിവിടങ്ങളിലെ സ്റ്റുഡന്റ് പോലീസ് കേഡറ്റ്,കാഞ്ഞങ്ങാട് ദുര്ഗ്ഗ ഹയര്സെക്കന്ററി സ്കൂള്,നീലേശ്വരം രാജാസ് ഹയര്സെക്കന്ററി സ്കൂള്,ചെമ്മനാട് ജി.എച്ച്.എസ്.എസ്, കാറഡുക്ക ജി.വി.എച്ച്.എസ്.എസ്, പടന്നക്കാട് നെഹ്റു ആര്ട്സ് ആന്റ് സയന്സ് കോളേജ് എന്നിവിടങ്ങളിലെ എന്.സി.സി,പെരിയ ജവഹര് നവോദയ വിദ്യാലയ,ഉളിയത്തടുക്ക ജയ് മാതാ സീനിയര് സെക്കന്ററി സ്കൂള്എന്നിവിടങ്ങളിലെ ബാന്ഡ് സെറ്റ് എന്നിവ പ്ലാറ്റൂണിന്റെ ഭാഗമാകും.കാസര്കോട് ചിന്മയ വിദ്യാലയത്തിലെ വിദ്യാര്ത്ഥികള് ദേശീയ ഗാനം ആലപിക്കും.
എം.പി, എം.എല്.എമാര് മറ്റു ജനപ്രതിനിധികള് പങ്കെടുക്കും. സ്വാതന്ത്ര്യ ദിന പരേഡ് വീക്ഷിക്കാന് പൊതുജനങ്ങള്, വിദ്യാര്ത്ഥികള് സര്ക്കാര് ജീവനക്കാര് തുടങ്ങിയവര് എത്തിച്ചേരണമെന്ന് ജില്ലാ കളക്ടര് അറിയിച്ചു.
ജില്ലാകളക്ടര് വിദ്യാനഗര് മുന്സിപ്പല് സ്റ്റേഡിയം സന്ദര്ശിച്ചു
ജില്ലാതല സ്വാതന്ത്ര്യ ദിന പരേഡിനുള്ള അവസാന വട്ട ഒരുക്കങ്ങള് വിലയിരുത്തുന്നതിന് ജില്ലാകളക്ടര് അര്ജുന് പാണ്ഡ്യന് വിദ്യാനഗര് മുന്സിപ്പല് സ്റ്റേഡിയം സന്ദര്ശിച്ചുജില്ലാ പോലീസ് മേധാവി പി. നിധിന് രാജ്, എ.ഡി.എം പി.ഉദയകുമാര്, തഹസില്ദാര് ബി.ശ്രീകുമാര്, ഡി.വൈ.എസ്.പി ഉത്തംദാസ് മറ്റു പൊലീസ് ഉദ്യോഗസ്ഥര് പൊതുമരാമത്ത് കെട്ടിട വിഭാഗം ഉദ്യാഗസ്ഥര് കളക്ടറോടൊപ്പമുണ്ടായിരുന്നു.
Leave a Reply