തിരുവനന്തപുരം: ഉയര്ന്ന വിലയ്ക്ക് വൈദ്യുതി വാങ്ങാന് കെഎസ്ഇബിക്ക് അനുമതി നല്കി റെഗുലേറ്ററി കമ്മീഷന്. ജൂലൈ മുതല് ഡിസംബര് വരെ വൈദ്യുതി വാങ്ങാം. റെഗുലേറ്ററി കമ്മീഷന് ഇതുസംബന്ധിച്ച് ഉത്തരവിറക്കി. ഉത്തരവില് കെഎസ്ഇബിയെ വിമര്ശിക്കുന്നുണ്ട്. സോളാര് വൈദ്യുതി ശേഖരിക്കാനുളള BESS പദ്ധതി വൈകുന്നുവെന്ന് കമ്മീഷന് വിമര്ശിച്ചു. പദ്ധതി നിരീക്ഷിക്കാന് ഉദ്യോഗസ്ഥരെ നിയോഗിക്കണമെന്നും ആവര്ത്തിച്ച് പറഞ്ഞിട്ടും വിവിധ സ്രോതസ്സുകളില് നിന്നുളള വൈദ്യുതിയുടെ വിവരം കെഎസ്ഇബി സമര്പ്പിച്ചില്ലെന്നും റെഗുലേറ്ററി കമ്മീഷന് പറയുന്നു.
‘അത്യാവശ്യ വിവരങ്ങള് അപേക്ഷയോടൊപ്പം സമര്പ്പിക്കുന്നതില് കെഎസ്ഇബി വീഴ്ച വരുത്തുന്നു. കെഎസ്ഇബി പവര് എക്സ്ചേഞ്ചില് നിന്ന് അടക്കം വാങ്ങിയ വൈദ്യുതിയുടെ വിവരങ്ങള് നല്കിയില്ല’: കമ്മീഷന് ചൂണ്ടിക്കാട്ടി. ഉയര്ന്ന വിലയ്ക്ക് വൈദ്യുതി വാങ്ങുന്നതില് റെഗുലേറ്ററി കമ്മീഷന് ആശങ്ക രേഖപ്പെടുത്തി. അപ്രഖ്യാപിത ലോഡ് ഷെഡിങ്ങിനെതിരെ വ്യാപക വിമര്ശനമുണ്ടെന്നും ഒരു മണിക്കൂര് മുന്പെങ്കിലും ഉപയോക്താക്കളെ ലോഡ് ഷെഡിംഗ് വിവരം അറിയിക്കണമെന്നും റെഗുലേറ്ററി കമ്മീഷന് നിര്ദേശിച്ചു. മണ്സൂണ് ശക്തിപ്പെടുമ്പോള് ഉയര്ന്ന വിലയ്ക്ക് വൈദ്യുതി വാങ്ങുന്നതിന്റെ ബാധ്യത കുറയ്ക്കാന് കെഎസ്ഇബി ശ്രമിക്കണമെന്നും കമ്മീഷന് ആവശ്യപ്പെട്ടു.
Leave a Reply