കൊച്ചി: നടി ഹണി റോസിനോട് ഖേദം പ്രകടിപ്പിച്ച് വ്യവസായി ബോബി ചെമ്മണ്ണൂര്. അധിക്ഷേപ പരാമര്ശങ്ങളില് ഖേദം പ്രകടിപ്പിച്ച് കൊണ്ട് ഇന്സ്റ്റഗ്രാമില് കുറിപ്പ് പങ്കുവെച്ചു. പറഞ്ഞ വാക്കുകളുടെയും അതുണ്ടാക്കിയ ആഘാതത്തിന്റെയും ഉത്തരവാദിത്തം ഏറ്റെടുക്കുന്നുവെന്നും ക്ഷമാപണം സ്വീകരിച്ച് കേസ് പിന്വലിക്കണമെന്നും ബോബി ചെമ്മണ്ണൂര് ആവശ്യപ്പെട്ടു.ഹണി റോസിന്റെ പരാതിയില് ബോബിയെ മുന്പ് പൊലീസ് അറസ്റ്റ് ചെയ്തിരുന്നു. ഹണി റോസിനെക്കുറിച്ചുള്ള തന്റെ പ്രസ്താവനകള് അവര്ക്കും കുടുംബത്തിനും വലിയ മാനസിക പ്രയാസമുണ്ടാക്കിയിട്ടുണ്ടെന്ന് മനസ്സിലായി. താന് വരുത്തിയ ദ്രോഹത്തിന് ആത്മാര്ഥമായി ക്ഷമ ചോദിക്കുന്നുവെന്നും അദ്ദേഹം കുറിച്ചു. തന്റെ വാക്കുകള്ക്കും അവയുണ്ടാക്കിയ ആഘാതത്തിനും താന് പൂര്ണ്ണ ഉത്തരവാദിത്തം ഏറ്റെടുക്കുന്നു. വേദനിപ്പിക്കാന് ഉദ്ദേശിച്ചിരുന്നില്ല. ഈ ആത്മാര്ഥമായ ക്ഷമാപണം സ്വീകരിച്ച് കേസ് പിന്വലിക്കുമെന്ന് പ്രതീക്ഷിക്കുന്നുവെന്നും ബോബി ചെമ്മണ്ണൂര് കൂട്ടിച്ചേര്ത്തു.
ക്ഷമ ചോദിക്കുന്നു, കേസ് പിന്വലിക്കുമെന്ന് പ്രതീക്ഷിക്കുന്നു; ഹണി റോസിനോട് ബോബി ചെമ്മണ്ണൂർ
Leave a Reply