ചെറുപനത്തടി : ചെറു പനത്തടി സെൻ്റ് മേരിസ് ഇംഗ്ലീഷ് മീഡിയം സ്കൂളിൽ ശിശുദിനം വർണ്ണാഭമായ പരിപാടികളോടെ ആഘോഷിച്ചു. ഈ വർഷത്തെ ആഘോഷങ്ങൾക്ക് സിൽവർ ജൂബിലി നിറവിൻ്റെ പകിട്ടുണ്ടായിരുന്നു. പരിപാടിയോടനുബന്ധിച്ച്, ജൂബിലി ആഘോഷങ്ങളുടെ ഭാഗമായുള്ള ‘സ്നേഹഭവന പദ്ധതി’യുടെ കൂപ്പൺ നറുക്കെടുപ്പും നടന്നു.
പ്രാർത്ഥനാ ഗാനത്തോടെ ആരംഭിച്ച ചടങ്ങിൽ ശ്രീമതി. ലിസി തോമസ് സ്വാഗതം ആശംസിച്ചു. പ്രിൻസിപ്പൽ റെവ. ഫാ. ജോസ് കളത്തിപ്പറമ്പിൽ അധ്യക്ഷ പ്രസംഗം നടത്തി.
മരിയഭവൻ സെമിനാരി റെക്ടർ റെവ. ഫാ. ബിബിൻ വെളളാരംകല്ലിൽ ചടങ്ങ് ഉദ്ഘാടനം ചെയ്തു. ശിശു ദിനത്തിൻ്റെ പ്രാധാന്യം ഓർമ്മിപ്പിച്ചുകൊണ്ട്, നാലാം ക്ലാസ്സ് വിദ്യാർത്ഥി മാസ്റ്റർ മാധവ് കൃഷ്ണ എൻ സന്ദേശം നൽകി.
അഡ്മിനിസ്ട്രേറ്റർ റെവ. ഫാ. രവിചന്ദ്ര, പിടിഎ പ്രസിഡൻ്റ് ശ്രീ. ടിറ്റോ ജോസഫ് എന്നിവർ ആശംസ പ്രസംഗങ്ങൾ നടത്തി. അധ്യാപിക ശ്രീമതി. റെജിമോൾ ജേക്കബ് ശിശുദിന സന്ദേശം നൽകി.
അധ്യാപകർ അവതരിപ്പിച്ച നൃത്തം, ഗ്രൂപ്പ് സോംഗ്, സ്കിറ്റ് തുടങ്ങിയ കലാപരിപാടികൾ കുട്ടികൾക്ക് ആവേശമായി. ശിശു ദിനാഘോഷങ്ങൾക്ക് സമാപനം കുറിച്ചുകൊണ്ട്, സ്കൂളിൻ്റെ സിൽവർ ജൂബിലി പദ്ധതിയുടെ ഭാഗമായുള്ള സ്നേഹഭവന കൂപ്പൺ നറുക്കെടുത്ത് വിജയികളെ ചടങ്ങിൽ പ്രഖ്യാപിച്ചു.
ശ്രീമതി. ഷിജി ജെയിംസിൻ്റെ നന്ദി പ്രകാശനത്തോടെ പരിപാടികൾ അവസാനിച്ചു.
ചെറു പനത്തടി സെൻ്റ് മേരിസ് ഇംഗ്ലീഷ് മീഡിയം സ്കൂളിൽ ശിശുദിനം വർണ്ണാഭമായ പരിപാടികളോടെ ആഘോഷിച്ചു.
Leave a Reply