ചിക്കമഗളൂരു: വാഹനാപകടത്തെ തുടർന്ന് നദിയിൽ കാണാതായ 45 ലക്ഷം രൂപ വിലമതിക്കുന്ന സ്വർണ്ണാഭരണങ്ങൾ ഉഡുപ്പിയിലെ മുങ്ങൽ വിദഗ്ധൻ ഈശ്വർ മാൽപെ കണ്ടെത്തി.
ഒക്ടോബർ 27 ന് രാവിലെ ചിക്കമഗളൂരു ജില്ലയിലെ ബേലൂർ റോഡിൽ കാർ നിയന്ത്രണം വിട്ട് സമീപത്തുള്ള നദിയിലേക്ക് മറിഞ്ഞാണ് സംഭവം. ഹരിഹറിനടുത്തുള്ള മലേബെന്നൂരിലെ സദാനന്ദ ഓടിച്ച കാറാണ് നദിയിലേക്ക് വീണത്.സദാനന്ദ നീന്തി രക്ഷപ്പെട്ടു. എന്നാൽകാറിനുള്ളിൽ ചുവന്ന തുണി സഞ്ചിയിൽ പൊതിഞ്ഞു വെച്ച ഭാര്യയുടെ 45 ലക്ഷത്തോളം വരുന്ന സ്വർണ്ണാഭരണങ്ങൾ നദിയിൽ കാണാതായി. തുടർന്നാണ്, സദാനന്ദൻ ഉഡുപ്പിയിലെ പ്രശസ്ത മുങ്ങൽ വിദഗ്ദ്ധനും രക്ഷാപ്രവർത്തകനുമായ ഈശ്വര മാൽപെയെ സമീപിച്ചത്. രക്ഷാപ്രവർത്തനങ്ങളിൽ വൈദഗ്ധ്യം നേടിയ ഈശ്വറും സംഘവും ഡൈവിംഗ് ഉപകരണങ്ങളും അണ്ടർവാട്ടർ ലൈറ്റുകളും സജ്ജീകരിച്ച സ്ഥലത്ത് എത്തി.കനത്ത മഴയെത്തുടർന്ന് ചെളി നിറഞ്ഞ വെള്ളം കാരണം കാഴ്ച മോശമായിരുന്നിട്ടും, ഈശ്വരൻ നദിയിലേക്ക് ഇറങ്ങി, വെറും 15 മിനിറ്റിനുള്ളിൽ, ആഭരണങ്ങൾ അടങ്ങിയ ബാഗ് വിജയകരമായി കണ്ടെത്തി.നക്ഷപ്പെട്ടെന്ന് കരുതിയ ആഭരണങ്ങൾ സദാനന്ദയ്ക്ക് കൈമാറി, ഭാര്യയുടെ ബേലൂരിലുള്ള മാതാപിതാക്കളുടെ വീട്ടിലേക്ക് പോകുകയായിരുന്ന സദാനന്ദൻ, കാറിന്റെ ബ്രേക്ക് നഷ്ടപ്പെട്ടതിനെ തുടർന്ന് വാഹനം റോഡിൽ നിന്ന് തെന്നിമാറി നദിയിലേക്ക് വീഴുകയായിരുന്നുവെന്ന് സദാനന്ദൻ പറഞ്ഞു.ഷിരൂരിൽ മണ്ണിടിച്ചിലിൽ കാണാതായ കോഴിക്കോട് സ്വദേശി അർജുനെ കണ്ടെത്താനുള്ള ദൗത്യത്തിൻ്റെ ഭാഗമായതോടെയാണ് ഈശ്വർ മാൽപെ ശ്രദ്ധേയനായത്. ഒരുപാട് രക്ഷാദൗത്യങ്ങൾക്ക് നേതൃത്വം വഹിച്ച അനുഭവ സമ്പത്തുള്ള മുങ്ങൽ വിദഗ്ധനാണ് ഈശ്വർ മാൽപെ എന്ന 48 വയസുകാരൻ. അമ്മക്കും ഭാര്യക്കും മൂന്ന് മക്കൾക്കുമൊപ്പം മാൽപെ ബീച്ചിന് സമീപമാണ് താമസം. തന്നെ തേടി ഫോൺ വിളി എത്തിയാൽ രാത്രിയെന്നോ പകലെന്നോ നോക്കാതെ ഈശ്വർ ദുരന്തമുഖത്തേക്ക് ഓടിയെത്തും.
കർണാടകയിലെ നിരവധി ദുരന്തമുഖങ്ങളിൽ സ്വന്തം ജീവൻ തൃണവത്കരിച്ച് ഈശ്വർ രക്ഷാപ്രവർത്തനം നടത്തിയിട്ടുണ്ട്. അങ്ങനെ ജീവിതത്തിലേക്ക് കൈ പിടിച്ച് കയറ്റിയത് നിരവധി പേരെയാണ്. മുങ്ങിത്താഴ്ന്ന് മരണമുഖം കണ്ട 20ലേറെ ആളുകളെ ഈശ്വർ ജീവിതത്തിന്റെ കരയിലേക്ക് അടുപ്പിച്ചു. കടലിലും പുഴയിലും ജീവൻ നഷ്ടമായ 200ലേറെ പേരുടെ മൃതദേഹങ്ങളും ഇദ്ദേഹം കരക്കെത്തിച്ചു. വെള്ളത്തിനടിയിലും തിരച്ചിൽ നടത്തും.
Leave a Reply