തൊടുപുഴ: വിഷം ഉള്ളില് ചെന്ന് യുവതിയായ വീട്ടമ്മ മരിച്ച സംഭവം കൊലപാതകമെന്ന് പൊലീസ്. സംഭവത്തില് ഭര്ത്താവിനെതിരെ കൊലക്കുറ്റം ചുമത്തി. പുറപ്പുഴ ആനിമൂട്ടില് ജോര്ലി (34) വിഷം ഉള്ളില് ചെന്ന് മരിച്ച സംഭവത്തിലാണ് ഭര്ത്താവ് പുറപ്പുഴ ആനിമൂട്ടില് ടോണി മാത്യു (43) വിനെതിരെ കരിങ്കുന്നം പോലീസ് കൊലക്കുറ്റം ചുമത്തിയത്. ഇക്കഴിഞ്ഞ 26നാണ് ജോര്ലിയെ വിഷം ഉള്ളില് ചെന്ന് ഗുരുതരാവസ്ഥയില് തൊടുപുഴയിലെ സ്വകാര്യ ആശുപത്രിയില് പ്രവേശിപ്പിച്ചത്. ബലം പ്രയോഗിച്ച് കവിളില് കുത്തി പിടിച്ച ശേഷം ഭര്ത്താവ് ടോണി മാത്യു കുപ്പിയിലെ വിഷം വായില് ഒഴിച്ചു നല്കുകയായിരുവെന്ന് ജോര്ലി ആശുപത്രിയില് വച്ച് മജിസ്ട്രേറ്റിനും പൊലീസിനും മൊഴി നല്കി. തീവ്രപരിചരണ വിഭാഗത്തില് കഴിഞ്ഞിരുന്ന ജോര്ലി വ്യാഴാഴ്ച വൈകുന്നേരം നാലരയോടെയാണ് മരിച്ചത്.
വീട്ടമ്മ മരിച്ച സംഭവം കൊലപാതകം; ഭർത്താവ് ബലമായി വായില് വിഷം ഒഴിച്ച് നല്കി
Leave a Reply