കരിക്കെ: കരിക്കെ തോട്ടം മേഖലയിലെ ജീവകാരുണ്യ-കായിക രംഗത്ത് പുതിയ മാതൃക തീർത്ത് ഗ്രീൻ സ്റ്റാർ ക്ലബ്ബ് . നിർധനരായ രോഗികൾക്ക് സൗജന്യമായി നൽകുന്നതിനായുള്ള മെഡിക്കൽ ഉപകരണങ്ങളുടെ ഉദ്ഘാടനവും, അതോടൊപ്പം സംഘടിപ്പിക്കുന്ന ആവേശകരമായ ഏകദിന വോളിബോൾ ടൂർണമെന്റും ജൂൺ 21 ഞായറാഴ്ച (നാളെ) നടക്കും.
കരിക്കെ തോട്ടം ഗ്രീൻ സ്റ്റാർ ഗ്രൗണ്ടിൽ വെച്ച് രാവിലെ 9 മണിക്ക് പരിപാടികൾ ആരംഭിക്കും. പ്രദേശത്തെ സാമ്പത്തികമായി പിന്നാക്കം നിൽക്കുന്ന രോഗികൾക്ക് ഏറെ ആശ്വാസമേകുന്ന ഓക്സിജൻ കോൺസെൻട്രേറ്ററുകൾ, ഹോസ്പിറ്റൽ ബെഡ്ഡുകൾ, വീൽചെയറുകൾ തുടങ്ങിയ അത്യാവശ്യ മെഡിക്കൽ ഉപകരണങ്ങളാണ് ക്ലബ്ബിന്റെ നേതൃത്വത്തിൽ വിതരണത്തിനായി ഒരുക്കിയിട്ടുള്ളത്.
ഉദ്ഘാടന ചടങ്ങുകൾക്ക് ശേഷം കായികപ്രേമികൾ കാത്തിരിക്കുന്ന വോളിബോൾ ടൂർണമെന്റ് അരങ്ങേറും. മത്സരത്തിൽ ഒന്നാം സ്ഥാനം നേടുന്ന ടീമിന് 5000 രൂപയും ട്രോഫിയും, രണ്ടാം സ്ഥാനം നേടുന്നവർക്ക് 3000 രൂപയും ട്രോഫിയുമാണ് സമ്മാനമായി നൽകുക. ടൂർണമെന്റിൽ പങ്കെടുക്കാൻ താൽപ്പര്യമുള്ള ടീമുകൾ 9207706055, 9744165746 എന്നീ നമ്പറുകളിൽ ബന്ധപ്പെട്ട് എത്രയും വേഗം രജിസ്ട്രേഷൻ പൂർത്തിയാക്കണമെന്ന് ഭാരവാഹികൾ അറിയിച്ചു. പൊതുജനങ്ങളുടെയും കായികപ്രേമികളുടെയും സജീവമായ സാന്നിധ്യവും സഹകരണവും ചടങ്ങിലേക്ക് പ്രതീക്ഷിക്കുന്നതായി ഗ്രീൻ സ്റ്റാർ കരിക്കെ ഭാരവാഹികൾ വാർത്താക്കുറിപ്പിൽ അറിയിച്ചു.
Leave a Reply