കാസർകോട്: ജില്ലയിലെ എൻഡോസൾഫാൻ ദുരിതബാധിതരുടെ കാര്യത്തിൽ പ്രത്യേക ശ്രദ്ധ നൽകുമെന്ന് മന്ത്രി കെ. എം. ഷാജി. സ്വാതന്ത്ര്യദിന സന്ദേശത്തിലാണ് മന്ത്രി ഇക്കാര്യം വ്യക്തമാക്കിയത്.സ്വാതന്ത്ര്യദിനാഘോഷ വേളയിൽ മറക്കാനാകാത്ത ചില വേദനകളുണ്ടെന്നും എൻഡോസൾഫാൻ ദുരന്തത്തിൽ ജീവിതം ദുരിതത്തിലായവരെക്കുറിച്ച് സമൂഹം ഓർക്കണമെന്നും മന്ത്രി പറഞ്ഞു. ഒരു സമൂഹം ഒരു നാടിനോട് കാണിച്ച അനീതിയുടെ വേദന അനുഭവിക്കുന്നവരാണ് എൻഡോസൾഫാൻ ദുരിതബാധിതർ. അവരോട് ഒരുമിച്ച് പ്രായശ്ചിത്തം ചെയ്യേണ്ടത് നമ്മുടെ ഉത്തരവാദിത്വമാണെന്നും അദ്ദേഹം പറഞ്ഞു.
ഈ പ്രായശ്ചിത്തം ദുരിതബാധിതരായ മാതാപിതാക്കൾക്കും മക്കൾക്കും ആശ്വാസം നൽകില്ലെന്ന് അറിയാം. എന്നാൽ ഇനി ഒരു ജനതയ്ക്കും ഇത്തരമൊരു ദുരന്തം സംഭവിക്കാതിരിക്കാൻ ഈ വിഷയം നിരന്തരം ഓർമിക്കേണ്ടതുണ്ട്.
എൻഡോസൾഫാൻ ദുരിതബാധിതരുടെ പ്രശ്നം ഭരണാധികാരികൾക്ക് ആദ്യ പരിഗണന നൽകേണ്ട വിഷയമാണ്. അവർക്കായി ഇനിയും നിരവധി കാര്യങ്ങൾ ചെയ്യാനുണ്ടെന്നും ഇക്കാര്യത്തിൽ കൂടുതൽ ശ്രദ്ധയുണ്ടാകുമെന്ന് ഉറപ്പ് നൽകുന്നതായും മന്ത്രി പറഞ്ഞു.
Leave a Reply